Մեր մասին

2001թ.-ից ի վեր հայրենական շուկայում ճանաչված և հեղինակավոր ընկերություն: Իր գործունեության առաջին իսկ օրերից ընկերության կառուցողական աշխատելաոճը, կազմակերչական բացառիկ ջիղը, որակի հանդեպ խստապահանջությունն ու բարեխղճությունը ըստ արժանվույն են գնահատել բազմահազար սպառողներն ու գործընկերները:

Ի սկզբանե շուկայում բարձր մրցակցային դիրք գրավելու միտումով համագործակցության համար ընտրվեցին միայն առաջատար ընկերություններ, ինչն ապահովեց բարձրակարգ սպասարկում և որակ աշխատանքի կազմակերպման բոլոր փուլերում` նախագծումից մինչև սպառողին հասցնելը:

«Վալան պրոֆ»-ն այսօր լավագույն արտադրանքի մեծ ընտրանի է ներկայացնում, որը բավարարում է ամենատարբեր, ինքնատիպ նախասիրություններ և ճաշակ ունեցող սպառողների պահանջները: Ընկերությունը իրականացնում է բարձրակարգ սպասարկում ալյումինե, փայտալյումինե, մետաղապլաստե դռների, պատուհանների, ֆասադային համակարգերի, ապակե կոնստրուկցիաների, վիտրաժների, շարժական, հեռակառավարվող դռների, ծալվող դռների, միջսենյակային փայտյա դռների,սեկցիոն դարպասների, լամինատե հատակների ներմուծման, արտադրման, տեղադրման ուղղություններով:

Ընկերության աշխատանքները, որոնք համապատասխանում են առաջատար երկրների շինարարական ամենաբարձր ստանդարտներին, նկատելի ազդեցություն են թողել

մայրաքաղաքի քաղաքաշինության դիմագծի վրա՝ դարձնելով այն էլ ավելի արդիական ու գրավիչ:

«Վալան Պրոֆ» ընկերությունը հիմնադրվել է 2000թ.-ին`  հայկական շուկան համալրելով  եվրոպական հայտնի մի շարք ընկերությունների դասական և նորաոճ արտադրատեսակներով: Այսօր «Վալան Պրոֆ»-ը հանդիսանում է բելգիական «Ռեյներս», հունական «Էտեմ», գեմանական «Սալամանդեր»,  «Siegenia», «G-U»,   ռուսական «Ստոլեր», «Զադոր», Բելառուսական «Իստոկ» ընկերությունների պաշտոնական ներկայացուցիչը Հայաստանում:

2009թ.-ից«Վալան Պրոֆ»-ը պաշտոնապես ներկայացնում է բնական փայտանյութից, էկոլոգիապես մաքուր միջսենյակային դռների արտադրության ոլորտում առաջատար ռուսական «Վոլխովեց»  ընկերությունը, ինչպես նաև ապակիների արտադրության ոլորտի’  աշխարհում առաջատար անգլիական «Պիլկինգտոն», նաև   «AGC», «Guardian»  «Մորելի» և «Դորմա» ընկերությունները.

2016թ.-ից «Վալան Պրոֆ»-ը սկսեց համագործակցել գերմանական «Doco», «Sommer» «ItalPannelli» աշխարհահռչակ ընկերություւների հետ` սպառողին ներկայացնելով սեկցիոն և հեռակառավարվող դռների և դարպասների ընտրանի` նախատեսված ավտոտնակների, առանձնատների մուտքերի համար:

«Վալան Պրոֆ» ցուցասրահներում  ներկայացված են նաև բելգիական «Քուիք Ստեպ» լամինատե հատակների լայն տեսականին: Նուրբ գույներ, էկոլոգիապես մաքուր հումք, որակ, ամրություն և դիմացկունություն. հենց այս հատկանիշներով են առանձնանում մեզ մոտ ներկայացված հատակները: Դրանք հեշտ տեղադրվում են և պահպանվում տարբեր իրավիճակներում:

Լավ մեկնարկը տրված էր, փորձը` հաջողված: «Վալան Գրուպ»-ը մշակեց և իրականություն դարձրեց իր հերթական բիզնես նախագիծը և 2012թ.-ին կայացավ «Վալան Դեկոր» պաստառների մասնագիտացված խանութ-սրահի բացումը:

Այնուհետև «Վալան գրուպի» առանձին մաս կազմող «Վալան Դեկոր» ՍՊԸ-ն 2013թ. նախաձեռնում է պենոպլաստե դեկորատիվ քիվերի և առաստաղների, ջահերը շրջագծող դեկորների արտադրություն DecoStar» ապրանքանիշի ներքո` էկոլոգիապես մաքուր և բացառապես անվտանգ հումք ներմուծելքվ գերմանական «BASF» ընկերությունից:

Շուրջ 17 տարի հայկական շուկայում առաջատար «Վալան Գրուպ» ընկերությունը 2016թ.-ի նոյեմբերին Դավիթ Անհաղթ 23/9 հասցեում բացեց արդեն ճանաչված «Վոլխովեց» ապրանքանիշը ներկայացնող ցուցասրահ` որտեղ մեկտեղված է ճաշակն ու հարմարավետությունը`  միջսենյակային դռների լայն ընտրանիով:

2018թ. գարնան զարթոնքը Վալան գրուպի համար ուղեկցվեց աշխատանքային նոր ձեռքբերմամաբ: Ալյումինե պրոֆիլների արտադրության ոլորտում բարձր ճանաչում ունեցող հունական Էտեմ ընկերությունը իր ներկայացուցչության բացառիկ իրավունքը հանձնեց Վալան գրուպին: Սա վստահության և գործըկերային հարաբերությունների ամրապնդման նոր հորիզոններ է բացում ընկերության առջև:

Միշտ մեկ քայլ առաջ` ահա մեր կարգախոսը: Այն մեր առաջ բացում է նոր տեսլականներ, դարձնում   դրանք նպատակներ  և  վերածվում գործի:Այս ամբողջ կտավը, որ կոչվում է Վալան գրուպ, իր գունային նրբերանգները ստանում է միայն   արհեստավարժ և բարձր նվիրում ունեցող թիմի  աշխատանքով:

Առաջնորդվելով «միշտ մեկ քայլ առաջ» կարգախոսով՝ «Վալան  Գրուպ»-ն իր առաջ դնում է նոր նպատակներ և իր առավելություններն ապացուցում է ոչ թե խոսքով, այլ գործով:



Գլխամաս Նոր Նորքի 6-րդ միկրոշրջան, Բադալ Մուրադյան փող., 6/1 շենք.
Տիգրան Մեծի պող., 6 շենք նախկին «Երևան» կինոթատրոնի շենքում
Նար-Դոսի փող., 71 շենք.
Դավիթ Անհաղթի փող., 23/9 շենք
Երկ Երք Չրք Հնգ Ուրբ Շբթ (10:00-19:00)
+374-10-660093, +374-10-660092, +374-60-270077

    Նամակ*



    Ինչպե՞ս եք գտել մեզ*




    © Developing by MACH TECH